ПОЗНАВАТЕЛЬНОЕ

Оси и плоскости тела человека - Тело человека состоит из определенных топографических частей и участков, в которых расположены органы, мышцы, сосуды, нервы и т.д.

Отёска стен и прирубка косяков - Когда на доме не достаёт окон и дверей, красивое высокое крыльцо ещё только в воображении, приходится подниматься с улицы в дом по трапу.

Дифференциальные уравнения второго порядка (модель рынка с прогнозируемыми ценами) - В простых моделях рынка спрос и предложение обычно полагают зависящими только от текущей цены на товар.

Курс саясаты мен процедурасы. 5 страница

Предыдущая 1 2 3 456 7 8 9 10 11 12 Следующая

Контактілік пластиналарға кернеу берген кезде диэлектриктің көлем бірлігінде бөлінетін қуат Р₀ мына формуламен анықталады:

(3.14)

мұндағы Е=U/1 – конденсатордағы электр өрісі кернеулігі, В/м; f – жиілік, Гц; ε_r – қыздырылатын дене материалының салыстырмалы диэлектрлік өтімділігі, Ф/м; δ – материалдың диэлектрлік шығын бұрышы.

Диэлектриктер мен жартылай өткізгіштерді қыздыру үшін өздігінен қоздырылатын жоғары жиілікті лампалық генераторлар қолданылады. Олардың тербелістік контурына қыздырылатын материалы бар жұмысшы конденсотор кіреді. Тербелмелі контур (генератор) жиілігі мынаған тең:

(3.15)

мұндағы С_н – жуктеме сыйымдылығы, Ф; L_н – контур индуктивтілігі, Гн.

Қосымша әдебиет 4[7-11; 53-62; 70-74;]

Бақылау сұрақтары:

1. Индукциялық пештердің жұмыс істеу қағидасы қандай?

2. Индукциялық каналды пештің негізгі элементтері қандай?

3. ИБҚ-ның электрлік схемасындағы негізгі элементтері қайсы?

4. ИБҚ схемасында конденсаторлық батарея не қызмет атқарады?

5. Диэлектриктер мен жартылай өткізгіштерді қыздыруға арналған жоғары жиілікті

қондырғылар дегеніміз не?

№8 дәріс конспекті.

Дәріс тақырыбы: Электр доғалық разряд теориясы негіздері мен қасиеттері және электрлік доға параметрлерін реттеу, олардың орнықтылығы. Доғалық пештердің топталуы, негізгі электр жабдықтары, жұмыс режімдері мен сипаттамалары.

Доғалық электрлік дәнекерлеу қондырғылары автоматтандырылған басқару.

Доғалық болат балқыту пештері (ДБП).

Электрлік доға. ДБП-да газдардағы доғалық разряд қолданылады. Ол потенциалдың аз катодтық құлауымен (ондаған вольт) және разрядтық тоқтың жоғары тығыздығы және күшімен сипатталады. Доғалық аралықта автоэлектрондық эмиссия, ал 4000-6000 К температура кездерінде термоэлектронды эмиссия байқалады.

ДБП тәуелді доғамен жұмыс істейтін (тура қыздыру) пештер қатарына жатады. (3.5, а сурет). Бұл пештердегі доғалар 2 әрбір электрод 1 пен металл 3 арасында жанады. Жабық доғамен жұмыс істейтін пештер де қолданылады (3.5, б - сурет). Мұндай рудалы термиялық (ферробалқыту) пештерінде жылу энергиясы жартылай электрлік доғада, жартылай жоғары температураға дейін қыздырылған шихта 3 арқылы тоқ жүру есебінен бөлінеді.

3.5-сурет. Электр доғалық пештер схемасы: 1-электрод; 2-доға; 3-металл.

Доғалар тұрақты және айнымалы тоқ доғаларына бөлінеді. ДБП-ларда негізінен конфазалы (үш немесе алты фазалы) айнымалы тоқ доғалары қолданылады. Оларды қоректендіру үшін түрлендіргіштің қажеті жоқ. Бірақ айнымалы тоқ доғасының жануы кернеудің өзгерістері жағдайында жүргендіктен оны орнықтылау проблемасын алға қойды.

Егер пеш қондырғысының тізбегінде индуктивтік кедергі жоқ деп есептесек, онда бұл тізбектегі кернеу былайша есептеледі:

(3.16)

мұндағы U_m – қоректендіруші торап кернеуінің амплитудалық мәні; U_д, i_д – доға тоғының кернеуі мен күші; r_д – тізбектің актив кедергісі.

Электродтардағы кернеу доғаның жану кернеуінен U_З көп болмайынша, тізбекте тоқ жүрмейді. Мәселен, көмір электродтар үшін U_З= 45÷55В; болатын электродтар үшін 30-35В. 36,а-суретте тізбекте тек актив кедергі болған кездегі тоқ күшінің i_д, доға кернеуінің U_д және торап кернеуінің U_с өзгеру қисықтары көрсетілген. Доға жағылған мезеттен t₁ бастап, тізбекте тоқ i_д жүре бастайды. Тоқ күші көбейген сайын доғалық разряд облысындағы иондану күшейеді және доғаның өтімділігі айтарлықтай өседі. Сондықтан доғаның сақталуына қажетті кернеу U_д азая бастайды. Нәтижеде вольт-амперлік сипаттамада (ВАС) горизонталь учаске пайда болады. Осы горизонталь учаскені ескергенде қуатты доға кернеуінің пішіні синусоидадан өзгеше болады (3.6, б- сурет).

Синусоида емес периодты тоқтардың пайда болуы нәтижесінде қоректендіруші торапта жоғары гармоникалықтық қуатты ағындары пайда болып, олар қондырғының энергетикалық көрсеткішерін азайтады. Тоқ күшінің үлкен мәндері кезінде доға кернеуі орнығады және одан тәуелсіз болады.

3.6-сурет. Электрлік доғаның кернеуі мен тоғы графиктері: а-таза актив кедергі кезінде; б-тізбекте индуктивтілік бар кезде.

Доғалық электр пешінің схемасы.

3.7-суретте доғалық болат балқыту электр пешінің схемасы көрсетілген. Оның электрлік жабдықтарына мыналар кіреді: күштік жабдық, басқару, қорғаныстық , дабылдық, өлшеу аппаратуралары, режімді автоматты реттеу аппаратурасы, пеш механизмдерінің жетектері, газды тазалау электрлік жабдықтары, коммутациялық аппаратура және т.б.

3.7 сурет – Доғалық электр пешінің электрлік схемасы

Барлық ДБП-лар үшке бөлінеді:

- кіші (қуаты 12.5 МВ×А-ге дейін)

- орташа (қуаты 50 МВ×А-ге дейін)

- ірі (қуаты 50-100 МВ×А-ден жоғары)

Ірі пештер кернеуі 110 және 220 кВ – тық энергияны жеке подстанциядан «терең енгізу» жүйесі бойынша алады.

Электрлік қамдалу сенімділігі бойынша ДБП екінші категориялық тұтынушы болып табылады (энергия үзілісі 30 минуттан аспауы керек).

QS айырғышы (3.7-суретте) көрінетін айыру жасау үшін қойылған.Ол,мәселен,жөндеу жұмыстарын жүргізу кезінде қажет болады.

QF қуат ажыратқышы қорғаныс аппаратурасымен бірігіп пешті қауыпті қысқа тұйықталулардан қорғайды; оның көмегімен жүктеме бар кезде пешті жедел ажыратып, қосуға болады. 6-10 кВ кернеу кезде электромагнитті ажыратқыштар, 35 кВ кернеу кезде – ауалық, 110-220 кВ кернеу кезде – вакуумдық ажыратқыштар қолданылады.

L реакторы пайдалану кезінде болатын қысқа тұйықталудың тоқ лақтырыстарын шектеп, доғаның жануын тұрақтандырады. Шахтаның балқуы біткен соң реактор QS1 іске қосқышымен шуытталады. Ірі пештерде реактор қойылмайды.

Т пеш трансформаторы торап кернеуін (6; 10; 35; 110; 220 кВ) пештің жұмыстық кернеуімен (U₂ – 1000Кв-тан аспайды) сәйкестендіру және кернеуді балқыту кезеңдері бойынша реттеу үшін қажет.

Кернеуді реттеу тереңдігі 2-4, реттеу сатыларының саны 12-23. Трансформатор қуаты өскен сайын сатылар саны да өседі. Кернеуді реттеу екі түрлі тәсілмен жүргізіледі: біріншілік орауышты жұлдызшадан үшбұрышқа немесе керісінше ауыстыру (туспалдап реттеу); біріншілік орауыштың тармақтар сайын ауыстырып қосу (дәл реттеу).

Т трансформаторының екіншілік орауышы пеш электродтарымен екіншілік тоқ өткізгіші арқылы байланысқан.

Трансформатордың біріншілік жағында максималдық реле орнатылған. Ол пештік қондырғының бас ажыратқышының QF ажырату катушкасына әсер етеді. Реленің уақыт сақталымының шамасы тоқ бойынша асқын жүктеме еселігі өскен сайын төмендей береді. Сондықтан ажыратқыш пешті тек апаттық қысқа тұйықталулар (аз уақыт созылатын) болғанда жарықтық және дыбыстық дабыл құрылғылары ғана жұмыс істейді. Бұл кезде пеш кернеуден ажырамайды. Пештің біріншілік жағына бақылау - өлшеу аспаптары (вольтметрлер, амперметрлер, энергия санауыштары, фазометр) қосылған. TV кернеу трансформаторы мен ТА тоқ трансформаторына басқа басқару, бақылау және қорғаныс аппаратуралары (АУК) қосылған.

Қосымша әдебиет: 3]267-278; 282-287.

Бақылау сұрақтары:

1. Тура қыздыру және жабық доғалы ДБП-лардың айырмашылығы қандай?

2. Электрлік доғаның кернеу және тоқ графиктеріне талдау жасаңыз.

3. ДБП электр жабдықтарының құрамы қандай?

4. ДБП топталулары қандай?

5. ДБП кернеуін балқыту кезеңдері бойынша реттеу қалай жүзеге асырылады?

№9 дәріс конспекті.

Дәріс тақырыбы: Электролиздің физикалық және энергетикалық негіздері, өнеркәсіптік электролиздік қондырғылар. Металдарды өңдеу тәсілдері: электрохимиялық, электрофизикалық, ультрадыбыстық, магниттік және магнитоимпульстік.

Электролиз– электролит арқылы тұрақты электр тоғын жүргізгенде бола алатын химиялық процестер. Бұл кезде электролит иондары электродтарға қозғалады: оң зарядталған иондар (катиондар) – катодқа, ал теріс зарядталған иондар (аниондар) – анодқа (3.8 сурет).

3.8-сурет Электролиз кезіндегі электрлік зарядтардың қозғалу схемасы.

Электролит құрамының сапалық өзгерісі электродтық процестердің сипатымен анықталады. (Электродтық процестерге катодта қалпына келу өнімдерінің, ал анодта қышқылдану өнімдерінің түзілуі жатады). Электролит құрамының сандық өзгерісі Фарадей заңдарымен өрнектеледі. Көптеген металдарды, сілтілерді, хлорды, сутегін, оттегін, кейбір органикалық заттарды және т.б. химиялық өнімдерді алу электролизге негізделген. Электрохимиялық емес тәсілмен алынған металдарды біріктіру (рафинадтау), қорғаныстық және декоративтік металл қаптамалар жүргізгенде (гальваностегия) және затқа пішін беру үшін (гальванопластика) де электролиз қолданылады.

Көлемдік өңдеудің электрлік физикалық-химиялық тәсілдері.Көлемдік пішін жасау қағидалары мен схемалары. Электрофизикалық, электрохимиялық және біріктірілген тәсілдерге берілген пішіні, көлемі және физикалық – механикалық қасиеттері бар деталдар алу технологиясының екі класы сәйкес келеді.

Уақыттық сипаттамалары бойынша энергетикалық әсерлер үзіліссіз, импульстік және пульстенген болуы мүмкін.

Қолданылатын қуат концентрациясының дәрежесіне байланысты көлемдік пішін жасау процестері екі топқа бөлінеді:

1) қуаттың жоғары концентратталған көздерін қолданатын электрофизикалық әдістер. (ЭХ)

2) өңделетін беттегі электр энергиясын химиялық энергияға түрлендіруге негізделген электрохимиялық әдістер. (ЭХ)

Осы екі әдістер тобы біріктіріліп, электрлік физикалық – химиялық (ЭФХ) әдістер деп аталады.

Қосымша топты біріктірілген процестер құрайды. Оған бірін-бірі толықтыратын бірнеше энергетикалық әсерлертүрі кіреді. Мәселен, эрозиялық – электрохимиялық, ультрадыбысты электрохимиялық және т.б.

Көлемдік өңдеудің электрлік – физикалық – химиялық тәсілдерінің қолданылу аумағы мен даму бағыттары. ЭФХ технологиясының қолданылу аумағы мен даму бағыттары үш басты ерекшеліктен сипатталады:

1) материалдарды олардың беріктілік сипаттаммаларына тәуелсіз өңдеу жасау мүмкіндігі; Бұл кезде материалды алу үшін концентратталған механикалық күштемелер қолданылмайды. Оның орнына дайындаманы қыздыра отырып оның байланыстарын әлсірету (жергілікті балқыту немесе булаң) және электролиздеу нәтижесінде жеңіл алынып тасталатын химиялық байланыстарға өзгерту (металдар гидрототығы) қолданылады;

2) күрделі пішінді бұйымдарды өндірушілік өңдеу мүмкіндігі; Бұл электроэрозиялық (ЭЭ) және электрохимиялық (ЭХ) өңдеулерге тән қасиет. Осының нәтижесінде фасондық электрод-құралдың пішінін дайындама бетінде көрсетуге (көшірмелеуге) мүмкіндік туады. Cол нүктедегі материалдың алыну қарқыны жергілікті электрод аралық қашықтыққа тәуелді болады. Яғни өңделетін беттің көлемі артқан сайын берілетін энергияны көбейтуге болады. Осыдан өте маңызды тәуелділік туындайды: қуысты өңдеу ұзақтығы беттің көлеміне емес, оның тереңдігіне Һ тәуелді болады, өйткені өңдеу ауданы Ғ көбейген сайын біз оған берілетін энергияны көбейте аламыз. Сонымен Ғ/Һ қатынасы үлкен болған сайын тиімдірек бола түседі.

3) Күштік әсерге төтеп бере алмайтын нәзік қуыстар мен тесіктерді, сондай-ақ айналмалы құралдар жете алмайтын қуыстарда орналасқан беттерді арнаулы құралдармен өңдеу мүмкіндігі.

Осы ерекшеліктер әртүрлі жағдайларда (агрессивті ортада, қарқынды сәулелену әсері бар жерде, жоғары температурада, өте жоғары жылдамдықтарда т.б.) жұмыс істейтін қазіргі заманғы машиналар мен аппараттардың деталдарын өңдеу кезінде айрықша байқалады. Яғни ЭФХ әдістерді техниканың озық технологиялар саласында қолданған тиімді.

Ультрадыбыстық электрохимиялық өңдеу. Ультрадыбыстық және электрохимиялық (УД және ЭХ) әсерлерді біріктірген кезде қатты құймалық бұйымдардағы көлемдік пішін жасалудың өнімділігін бірнеше есе арттыруға қол жеткізіледі. Абразивті суспензияны өткізетін ортадағы дайындама бетіне УД-тербелістер әсер еткенде абразив дәндері пассив пленканы (ЭХ процесі кезінде пайда болатын) бұзып, анодтық еру процесінің жалғасуына мүмкіндік жасайды. Ал ЭХ процестер кезінде әртүрлі байланыстар еріп, олардағы вольфрамның қатты карбидтерін УД-мен жоюды жеңілдетеді.

Материалдарды магнитті-импульстік өңдеу. Импульстік электродинамикалық күштер және оларды пайдалану. Егер өткізгіште көлемдік тығыздығы бар тоқ І жүретін болса, онда В индукциясы бар меншікті немесе сыртқы магниттік өріс болғанда өткізгіш материалының көлемдік бірлігіне мынадай күш әсер етеді:

F = I В(3.17)

Бұл күш І және В бағыттарына перпендикуляр және оны «сол қол» ережесі бойынша анықтауға болады.

Меншікті магнит өрісіндегі тұйық контур учаскелері үшін электродинамикалық күштер бағыты контур деформациясының бағытымен сәйкес болады. Бұл кезде оның индуктивтігі максималға дейін өседі.

Х бағытымен өткізгішке әсер ететін электродинамикалық күш тізбек тоғы і және индуктивтілігі L арқылы өрнектеледі:

(3.18)

Тоғы бар жекеше өткізгішке оны қысуға ұмтылатын электродинамикалық күштер әсер етеді.

Импульстік режімдерде металдардағы тоқ тығыздығын аз уақытқа жоғары дәрежеге дейін көтеруге болады. Бұл кезде оларға термикалық әсердің де қажеті жоқ.

Қоршаған ортамен жылу алмасу жоқ болғанда энергия байланысы бойынша былайша жазуға болады:

(3.19)

мұндағы t – тоқтың жүру уақыты; с және β – материалдың үлесті жылу сыйымдылығы мен тығыздығы; ρ₀ - 0⁰Скездегі материалдың үлесті кедергісі; α – температуралық кедергі коэффициенті; Т₁ және Т₂ - өткізгіштің бастапқы және соңғы температуралары;

Т₂ температурасы, материалдың жылу физикалық тұрақтылары және тоқ тығыздығының интегралы арасындағы қатынас мына теңдеумен өрнектеледі:

(3..20)

Қыздыру аз болғанда:

(3..21)

Тоқ көзі ретінде U кернеуіне дейін зарядталған С конденсаторы қолданылған кезде

(3.22)

мұндағы R – разряд тізбегінің актив кедергісі; Q - өткізгіш қимасы.

Конденсаторлардың разрядталуы жолымен алынатын тоқтың жоғары тығыздығы мен магнит өрісінің индукциясы өте үлкен электродинамикалық күштер алуға мүмкіндік береді. Бұл күштер көптеген материалдардың қаттылық шегінен асып түседі.

Импульстік электродинамикалық күштер импульстік электржетегі өткізгіштерді үдету үшін және әртүрлі дайындамалар деформациясы үшін қолданылады.

Осы бағыт соңғы кезде күшті даму үстінде және ол магниттік штамповка немесе материалдарды магнитті-импульстік өңдеу деп аталады. Оның артықшылықтарына мыналар жатады: электродинамикалық күштерде өте дәл реттеу; технологиялық жабдықтау қарапайымдылығы, деталь дайындау процесін толық автоматтандыру және т.б.

Негізгі әдебиет 5 [40-60]

Бақылау сұрақтары:

1. Электролиз дегеніміз не?

2. Деталдарды электрофизикалық және электрохимиялық өңдеудің мәні неде?

3. Көлемдік өңдеудің ЭФ және ЭХ әдістерінің қолданылу аумағы мен даму бағыттары қандай?

4. Бұйымдарды ультрадыбыстық электрохимиялық өңдеу қалайша жүргізіледі?

5.Магнитті-импульстік өңдеудің артықшылықтары қандай?

№10 дәріс конспекті.

Дәріс тақырыбы: Төмен температуралы плазма алу құрылғысы, оның қолданылуы. Плазмалық өнеркәсіптік қондырғылар электронды-сәулелік қыздыру қондырғылары. Оптикалық квантты генераторлар (лазерлер). Электронды – иондық технологиялар, электростатикалық өнеркәсіптік қондырғылар.

Плазмалық қыздыру қондырғылары.Плазмалық қыздырудың физикалық негіздері.

Қалыпты жағдайда газ нейтрал молекулалардан немесе атомдардан тұрады және электр тоғын өткізбейді. Сыртқы факторлар әсерінен газдың иондалуы (электрленуі) мүмкін. Элементар бөліктің (атом немесе молекула) иондалуы дегеніміз – бұл нәтижесінде бөлікте электр заряды пайда болатын немесе оның шамасы өсетін процесс. Иодталған газ құрамы өте күрделі болуы мүмкін. Химиялық құрамы өте қарапайым газ – азоттың иондалуынан кейін оның құрамында әртүрлі сортты оң иондар кездеседі (бір, екі және одан да көп элементар зарядты; 3.8 сурет). Газдың түрі бойынша иондалу кезінде атомдар мен молекулалардан бөлінген электрондар, өзінің қозғалысын жалғастыра береді де, бос электрон күйінде немесе нейтраль бөліктерімен бірігіп теріс иондарға айналады.

Атомдалған иондардан басқа молекулалық иондар және нейтраль атомдар мен молекулалар да болуы мүмкін. Егер иондалу процесі сатылы түрде жүретін болса, онда газды ортада қыздырылған атомдар мен молекулалар түзіледі, яғни олардың заряды өзгермегенмен ішкі энергиясы жоғарылайды.

Иондалған газ оның компоненттерінің (электрондар, иондар, нейтрал атомдар немесе молекулалар) тығыздығымен, яғни көлем бірлігіндегі (мәселен, газдың 1 м³) санымен сипатталады.

Кулондық күштер әсерінен болатын иондалған газдың зарядталған бөліктерінің өзара әсерлесуі олардың сапалық ерекшеліктерін сипаттайды. Бұл ерекшеліктер қарапайым газға қарағанда айтарлықтай болғандықтан оны заттың төртінші күйі деп есептеу қабылданған. 1923 жылы американдық физиктер Лэнгмюр мен Тонкс солғын немесе доғалық разряд бағынындағы газ жағдайын сипаттау үшін «плазма» терминін енгізді.

Қазіргі кездегі «плазма» ұғымы мынадай қасиеттері бар жартылай немесе толық иондалған газдарды сипаттайды:

а) электрлік өріс әсерінен плазмада электрлік тоқ пайда болады;

б) магнит өрісінде плазма ерекше қасиетті диамагнитті зат түрінде болады;

в) плазма ерекше қасиетті серпімді орта; онда әртүрлі шуыл, тербеліс және толқындар жеңіл қоздырылады және тез тарайды;

г) егер плазма компонеттері арасындағы өзара әсер энергиясы жылу энергиясымен салыстырғанда аз болса, онда плазма идеал газ секілді қасиетке ие болады.

Плазманың соңғы қасиеті төмен тығыздықтар мен жоғары температураларда байқалады. Сондықтан плазмалар ыстық (жоғары температуралық) болып екіге бөлінеді.

Ыстық плазмадағы бөліктердің иондалу дәрежесі бірге жуық, олардың температурасы 10⁶ - 10⁸ К құрайды. Ыстық плазманың өткізгіштігі өте жоғары болады.

Суық плазма температурасы 10³ - 10⁵ К және ол жартылай иондалған газ түрінде болады. Суық плазманың электр өткізгіштігі ыстық плазмамен салыстырғанда едәуір аз болады.

Квазинейтралдық күй плазманың болуының қажетті шарты болып табылады. Яғни оның құрамындағы бір таңбалы зарядтар мөлшері екінші таңбалы ззарядтар мөлшерінен өте көп болмауы шарт. Олардың арасындағы айырмашылық өте аз болуы керек, олай болмаған жағдайда, өте қуатты электр өрісі пайда болады.

Плазмалық және электрондық қыздыру қондырғылары. Плазмалық электротермикалық қондырғылар (ПЭТҚ) – бұл өнеркәсіптік электрлік қыздыру қондырғылары. Олардағы негізгі актив компонент – төмен температуралы плазма болып табылады. Өнеркәсіптік ПЭТҚ-ларда ең сенімді, әрі қарапайым стационар плазма генераторы ретінде күшті тоқты электрлік разряд қолданылады. Атмосфералық қысым ПЭТҚ – ларда доғалық пішінді (электрлік доға) электрлік жеке разряд, ал вакуумдық ПЭТҚ – ларда жалпақ катодты күшті тоқты разряд қолданылады.

Атмосфералық ПЭТҚ-ларға мыналар жатады:

- металды керамикалық тигельдерде балқытуға арналған плазмалық доғалық пештер (ПДП);

- металды су салқындатқыш кристаллизатор (металдан жасалған) балқытуға арналған ПДП;

- шихталық түрдегі плазмалық кенді қалпына келтіргіш пештер (РВПП): олар қышқылдардан металды қалпына келтіруге арналған;

- өнеркәсіптік доғалық ақырын ағысты (струйный) плазматрондар; олар плазмалық технологиялық қондырғылардағы газдарды қыздыруға арналған.

Вакуумдық ПЭТҚ-лардың ішінде өнеркәсіпте ең көп тарағаны – электронды-плазмалы пештер. Оларда қыздыру көзі қызметін ыстық жалпақ плазмалық катоды бар жеке күшті тоқты вакуумдық разряд атқарады.

Плазмалық технологиялық жабдықтардың өнімділігі өте жоғары, көлемі кіші, металдарды өңдеу сапасы жоғары болады. Өйткені плазмалық қыздыру кезінде энергияның бағытталуы мен концентрациясы жоғары дәрежеде болады.

ПЭТҚ – ларда электрлік разрядтың плазмалық бағаны қыздырудың актив зонасы болып табылады. Плазмалық қыздыру қағидасы күшті токты разряд бағынының плазмасындағы энергияның тасымалдану процестерінің электронды-молекулярлық моделімен көрсетуге болады (3.9 сурет).

ПЭТҚ-ларда плазма генераторлары ретінде плазматрондардың екі түрі қолданылады: ақырын ағысты (струйный) және балқытатын. Ақырын ағысты плазматрондар – бұл ішкі доғалы плазматрондар. Олар ағымдағы газды қыздыруға арналған; бұл газ технологиялық көлемге қосылады. Ал балқытатын плазматрондарда доға технологиялық көлемде орнатылған, ал разряд аноды қыздыру объектісі болып табылады.

Предыдущая 1 2 3 456 7 8 9 10 11 12 Следующая