 ПОЗНАВАТЕЛЬНОЕ Сила воли ведет к действию, а позитивные действия формируют позитивное отношение Как определить диапазон голоса - ваш вокал Игровые автоматы с быстрым выводом Как самому избавиться от обидчивости Противоречивые взгляды на качества, присущие мужчинам Вкуснейший "Салат из свеклы с чесноком" Натюрморт и его изобразительные возможности Применение, как принимать мумие? Мумие для волос, лица, при переломах, при кровотечении и т.д. Как научиться брать на себя ответственность Зачем нужны границы в отношениях с детьми? Световозвращающие элементы на детской одежде Как победить свой возраст? Восемь уникальных способов, которые помогут достичь долголетия Классификация ожирения по ИМТ (ВОЗ) Глава 3. Завет мужчины с женщиной
Оси и плоскости тела человека - Тело человека состоит из определенных топографических частей и участков, в которых расположены органы, мышцы, сосуды, нервы и т.д.
| Гісторыя зараджэння маладзёжнага перыядычнага друку
Міністэрства адукацыі Рэспублікі Беларусь Беларускі дзяржаўны ўніверсітэт Інстытут журналістыкі Кафедра перыядычнага другу
МАЛАДЗЁЖНЫЯ ВЫДАННІ Ў СІСТЭМЕ СРОДКАЎ МАСАВАЙ ІНФАРМАЦЫІ рЭСПУБЛІКІ БЕЛАРУСЬ
Курсавая праца
Карняенкі Вольгі Юр’еўны студэнткі II курса 2 групы Навуковы кіраўнік: кандыдат філалагічных навук дацэнт В.П. Вараб’ёў
Мінск, 2015 ЗМЕСТ
Уводзіны Актуальнасць. Сучасная цывілізацыя самаідэнтыфікуецца з дапамогай мас-медыя, кіно, масавай літаратуры і г.д. Усё гэта сродкі масавай культуры, якія валодаюць ідэалагічнымі прыкметамі. Маладзежныя прэса таксама грае важную ролю, фарміруючы нашу “будучыню”. Актуальнасць тэмы курсавой працы абумоўлена з’яўленнем большай колькасці маладзёжных выданняў, спрэчкі аб тэматыцы якіх вядуцца ўжо доўгі час. Але гэтыя спрэчкі яшчэ недастаткова адлюстраваны ў навыковых працах. Маладзёжная прэса – адмысловая галіна сучасная журналістыкі. Яе асаблівасць не толькі ў тым, што яна арыентавана на моладзь, але і ў спецыфічнай функцыі. Адна з галоўных задач маладзёжных СМІ – выхаванне падрастаючага пакалення, уключэнне маладога чалавека ў грамадства. Таму да зместу такіх СМІ трэба адносіцца асабліва ўважліва: ён можа ўплываць на лёс усяго пакалення. Маладзёжныя выданні разглядаліся ў працах многіх навукоўцаў. Гісторыя і сучаснасць гэтага віду перыядычнага друку даследаваліся ў працах С. В. Дубовіка і В. М. Ганічэва. Дызайн маладзёжных выданняў разлядаецца ў кнізе А. К. Свораба «Дизайн молодёжной газеты». Тэма “Маладзёжныя выданні ў сістэме сродкаў масавай інфармацыі Рэспублікі Беларусь” разглядалася на XVI міжнароднай канферэнцыі «Журналістыка-2014». Аб’ект даследавання – інфармацыйная насычанасць маладзёжных выданняў. Прадмет даследавання – тэмы, узнімаемыя на старонках маладзёжнай прэсы. Мэта курсавой працы – даследаваць тэматычную асаблівасць маладзёжных выданняў сродкаў масавай інфармацыі Рэспублікі Беларусь. Практычная значнасць курсавой працы заключаецца ў тым, што яе вынікі могуць быць выкарыстаны ў іншых навуковых даследаваннях, а таксама могуць выкарыстоўвацца рэдакцыямі маладзёжных СМІ для павелічэння аўдыторыі, інфармацыйнай насачынасці маладзёжных выданнў. Для дасягнення пастаўленай мэты было прадугледжана вырашэнне пэўных задач: – азнаёміцца з навуковай літаратурай па тэме курсавой працы; – азнаёміцца з гісторыей развіцця маладзёжнай прэсы; – даведацца пра інтарэсы сучаснай маладзёжы; – вывучыць праблемы, якія ўзнімаюцца на старонках маладзёжных выданняў; – прааналізаваць маладзёжныя выданні Рэспублікі Беларусь. Эмпірычны матэрыял.У ходзе выканання даследчай працы былі выкарыстаны матэрыялы з газет «Знамя юности», «Переходный возраст», часопісаў «Другой», «Волшебный» за студзень-сакавік 2015 года. Метады даследавання: – апісальны – вызначэнне тэм, распаўсюджаных у маладзёжных выданнях Рэспублікі Беларусь; – параўнальны – выяўленне асаблівасцей у дызайне маладзёжным перыядычным друку; – апытанне – выяўленне інтарэсаў сучаснай моладзі. Структура курсавой працы. Курсавая праца складаецца з уводзін, дзвюх тэматычных глаў і вынікаў па кожнай з іх, заключэння і спісу літаратуры, дыяграм, у якіх паказваецца асноўныя тэмы, якія цікавяць моладзь.
Глава I. Гісторыя развіцця маладзёжнай прэсы Гісторыя зараджэння маладзёжнага перыядычнага друку Пад тэрмінам «маладзёжны перыядычны друк» разумеецца ўвесь комплекс перыядычных выданняў, прызначаных для падрастаючага пакалення ва ўзросце да 24 гадоў як сацыяльна-дэмаграфічнай групы, якая ў працэсе сацыялізацыі інтэгруецца ў грамадства. Дзіцяча-юнацкі друк разглядаецца як падсістэма ў структуры маладзёжнага друку. Усе даследванні па маладзёжнаму друку можна падзяліць на тры групы: 1. працы, прысвечаныя аналізу газет і часопісаў для дзяцей і падлеткаў, а таксама тыя, у якіх дзіцячыя выданні разглядаюць у кантэксце развіцця беларуская кнігадрукавання. 2. працы па камсамольскаму маладзёжнаму друку. 3.група даследванняў звязана з междысцыплінарным падыходам: з гісторыей станаўлення піянерскай арганізацыі, з уплывам вузаўскага шматтыражнага друку на фарміраванне актыўнай жыццёвай пазіцыі студэнцкай моладзі, узаемадзеянні сям’і і школы ў выхаванні дзяцей сродкамі перыядычнага друку, навучаннем школьнікаў чытанню дзіцячай перыядычнай літаратуры і г. д. [1, с. 483-484] У БССР першымі сталі вывучаць дзіцячы друк В.С.Лукін і В.М. Бігеза. Лукін правёў даследаванне, прысвечанае вывучэнню ролі дзіцячага перыядычнага друку Беларусі ў выхаванні падрастаючага пакалення. В.М. Бігеза вывучала развіццё беларускага друку для дзяцей. Сярод дарэвалюцыйных выданняў узгадваецца першы літаратурна-мастацкі часопіс для дзяцей і юнацтва «Лучынка», а таксама ўспамінаецца аб дазволе ўрады на выданне часопісу для дзяцей малодшага ўзросту «Іскрачка». Аўтар паказала, як вырашалася задача ідэалагічнага выхавання падрастаючага пакалення з дапамогай сродкаў перыядычнага друку ў 1924-1929 гады, разглядала на прыкладзе «Беларускага піянера». [2, с. 21-28] Вывучэнне маладзёжнага друку другой групы – камсамольскі маладзёжны друк – пачалося з 1917 года. Вопыт па гісторыі, тэорыі і практыкі прадстаўлены ў працах В.Н. Ганічава. Праца камсамольскага актыву, прынцыпы і формы кіраўніцтва камсамола маладзёжным друкам вывучаны Н.Ф.Рубанавай. У БССР да ліку навуковых прац гэтага напрамку адносяцца манаграфіі А.Г. Слукі. Даследуючы праблемы станаўлення і развіцця беларускага маладзёжнага друку, В.Г. Слука згадвае такія маладзёжныя выданні Беларусі, як газета «Сябрук» (1913 г.), часопісы «Раніца» (1914 г.) і «Лучынка» (1914 г.). Вучоны аналізуе газеты, аднаднеўкі, старонкі моладзі, часопісы. Па характару чытацкай аўдыторыі друк Беларусі разглядаецца па наступным групам: цэнральныя выданні ЛКСМБ, піянерскія, студэнцкія, камсамольскія літаратурныя газеты і часопісы. Усе маладзёжныя выданні ён аналізуе па функцыям, якія яны выконваюць: калектыўнага прапагандыста, агітатара, арганізатара, кіруючага і адначасова адлюстроўвае лёс моладзі сацыялістычнай дзяржавы. [3, с. 129] Слуцкі А.Г. лічыць, што шырата чытацкіх інтарэсаў патрабуе ад рэдакцый інтаграванага падыходу да адбору інфармацыі і прымання пад увагу спецыфікі кожнай узроставай групы моладзі. Таксама ён лічыць, што ў гэтым заключаюцца адначасова і складанасць функцыянавання і эфектыўнасць уплыву камсамольскага друку на працэс камуністычнага выхавання. Трэцяя група даследаванняў па дзецкаму перыядычнаму друку разнастайная. Яна цікавая шматаспектнасцю прадмета вывучэння. Адным з аспектаў з’яўляецца гісторыя друку піянерскай арганізацыі. Да савецкіх вучоных, якія вывучалі гісторыю піянерскай арганізацыі адносяцца А.В. Герасімава, Р.С. Піонава, В.П. Машняга і іншыя. Зварот да даследаванняў па дзіцячаму друку савецкага перыяду абумоўлен тым, што тэарэтычныя распрацоўкі па гісторыі, тыпалогіі былі зроблены менавіта ў той перыяд. Грунтоўна да вывучэння тыпалогіі як сістэмы падышоў у сваіх працах М.І. Пагоркаў. Ён прааналізаваў шырокае кола пытанняў, якія звязаны з якаснымі характарыстыкамі выдання, яго тыпамі і разнавіднасцямі на ўзроўні саюзнай перыёдыкі для дзяцей. Аўтар аналізуе жанравыя асаблівасці публікацый у выданні, стыль, метады, спосабы адлюстравання рэчаіснасці, аўтарскага складу і творчай манеры публіцыстаў, адзначае змены ў пастаноўцы задач і функцый дзіцячай журналістыкі. [4, с. 4] Даследчык М.І. Аляксеева з дапамогай параўнальнага аналізу прэсы дарэвалюцыйнага і паслярэвалюцыйнага перыядаў выяўляе характэрныя рысы дзіцячых выданняў савецкай эпохі, дае вызначэнне тыпу дзіцячага часопісу, як «выявы, формы перыядычнага выдання для дзяцей з яго адметнымі прыкметамі: мэтавай усталёўкай, узроставай скіраванасцю, зместам, структурай, афармленнем». Аўтар сцвярджае, што ўзроставы крытэрый з’яўляецца асноўным элементам, які шмат у чым вызначае характар выдання. [5] У 1993 годзе выйшаў навучальны дапаможнік Л.Н. Колесавай «Дзіцячыя часопісы Савецкай Расіі 1917-1977». Аўтар акцэнтуе ўвагу на тым, што гэта першая спроба адлюстраваць якія дзіцячыя часопісы выходзілі на працягу 60 гадоў на рускай мове. Такім чынам, зараджэнне маладзёжнага перыядычнага друку даводзіцца на дарэвалюцыйны перыяд, а станаўленне і развіццё ахоплівае савецкі час. |
